Hər bir Avropa dövləti kimi Almaniya
da Asiya qitəsi ilə iqtisadi əməkdaşlığın gücləndirilməsində maraqlıdır. Bu
əməkdaşlığın daha da inkişaf etdirilməsi məhz Cənubi Qafqazda təhlükəsizliyin
bərqərar olunması ilə birbaşa bağlıdır. Bu bağlılığı şərtləndirən əsas səbəb
isə Azərbaycanın bölgədəki geostrateji mövqeyi və regional layihələri ilə
qarşılıqlı faydalı əməkdaşlığa verdiyi mühüm töhfələrlə bağlıdır. Almaniya
iqtisadi inkişaf baxından Avropa məkanında önəmli rola malikdir. Bu gün
Azərbaycan və Almaniya arasında iqtisadi-ticari əməkdaşlığın
genişləndirilməsinə böyük ehtiyac var. Azərbaycan üçün önəmli olan məsələ
Qarabağın və Şərqi Zəngəzurun yenidən qurulması və bərpa olunmasıdır. Bu işdə
alman iş adamları da yaxından iştirak edə bilərlər. Bu səbəbdən Azərbaycan
Prezidenti  alman iş adamları ilə
görüşlər keçirir.

 Martın 13-də Cənab Prezident İlham Əliyev
Almaniyaya səfər edib. Səfər çərçivəsində Prezident İlham Əliyevin otuza yaxın
biznes təmsilçiləri ilə görüşləri baş tutdu. Bu görüşlərdə ölkəmizin biznes
potensialı və xarici sərmayəçilər üçün yaradılmış əlverişli biznes mühiti
haqqında ətraflı məlumat verildi. Bu görüşlərdə və mətbuat konfransında ölkə
başçısı Avropanın enerji təhlükəsizliyində Azərbaycanın rolu, ənənəvi və bərpa
olunan enerji ixracatı sahəsində strateji tərəfdaşlıq və bu əməkdaşlığın
inkişaf potensialları barədə açıqlama verdi. Səfər çərçivəsində keçirilmiş
görüşlərin Almaniya ilə Azərbaycan arasında ikitərəfli əməkdaşlığın daha da
inkişaf etdirilməsinə böyük töhfə verəcəyi şübhəsizdir və əminəm ki, qarşıdakı
illərdə biz bunun faydalı nəticələrini görəcəyik. Səfər çərçivəsində aparılan
müzakirələr münasibətlərin yüksək səviyyədə olduğunu və əməkdaşlığın daha da
inkişaf etdirilməsi üçün böyük potensialın mövcudluğunu göstərir. Bu görüşlərdə
və daha sonra ölkə rəhbərləri səviyyəsində verilmiş açıqlamalardan aydın
görünür ki, Almaniya Azərbaycanı özünün etibarlı tərəfdaşı kimi görür və
Azərbaycan hökuməti ilə müxtəlif səviyyələrdə və müxtəlif istiqamətlərdə
əməkdaşlığın genişləndirilməsində maraqlıdır. Hazırkı səfər Azərbaycan-Almaniya
münasibətlərinin daha da inkişaf etdirilməsinə xidmət edəcək. Siyasi, iqtisadi,
mədəni, humanitar istiqamətlərdə yeni əməkdaşlıq platformaları yarana bilər.
Digər tərəfdən eyni zamanda nəqliyyat və enerji sahəsində bu gün Azərbaycanın
qlobal təşəbbüsləri göz önündədir. Bura həm Cənub Qaz Dəhlizi, eləcə də Orta
Dəhliz və Zəngəzur dəhlizi aiddir. Həmçinin Qara dənizin dibi ilə yaşıl enerji
dəhlizinin formalaşması böyük bir coğrafiyada təhlükəsizliyin, sülhün və
sabitliyin gücləndirilməsinə yönəlmiş təşəbbüslərdir. Bütün bunlar onu deməyə
əsas verir ki, Azərbaycan mühüm geosiyasi 
coğrafiyanın iqtisadi dayanıqlılığının artırılmasına yönəlik addımlar
atır.

Azərbaycan prezidentinin Almaniyaya
səfəri zamanı Ermənitanla Azərbaycan arasında nizamlanma prosesi, sülh
müqaviləsinin imzalanmasına dair rəsmi Bakının mövqeyi, regondakı reallıqlar
əsas müzakirə obyekti oldu. Ermənistan təbliğat maşının yalan-yanlış
məlumatlarına tutarlı cavablar vermək üçün Azərbaycan tərəfinin yaxşı imkanı
var. Azərbaycan həm reionda, həm dünyada sülhün tərfdarıdır, daim sülh
təşəbbüsləri ilə çıxış edir. Ermənistanla sülh müqaviləsinin imzalanması da
rəsmi Bakının istəkləri sırasındadır. Bu gün müasir beynəlxalq münasibətlər
sistemində ərazi bütövlüyü, suverenlik sərhədlərin toxunulmazlığına dair vahid
bir yanaşma mövcuddur. Bu baxımdan mövcud münaqişələr ərazi bütövlüyü
kontekstində həllini tapmalıdır. Buna görə də Azərbaycan Prezidentinin Berlinə
səfəri  və bu narrativlər Almaniya
hökumətinin diqqətinə çatdırıldı.Rəsmi Berlin tərəfindən ölkəmizin ərazi
bütövlüyünün birmənalı olaraq dəstəklənməsi diqqətəlayiq haldır.

Aydın Əliyev,

Xocalı rayon ziyalısı